ߝߘߊ߬ߝߌ߲߬ ߞߊ߲ߕߌ߮ ߡߍ߲ ߠߎ߬ ߝߊߕߏߣߍ߲߫ ߝߊ߬ߙߊ߲߬ߛߌ߬ ߟߊ߫ ߓߍ߲߬ߓߍ߲߬ߓߍ߲ ߛߊߓߎ߫ ߟߊ߫

ߦߴߊ߬ ߟߐ߲߫ ߸ ߊ߬ ߓߊ߯ ߝߐ߫ ߞߏ߫ ߝߙߍߞߎ߬ߡߍ ߟߎ߬ ߖߎ߯ߡߊ߲߫ ߜߟߏ߬ߝߌ߲ ߠߎ߫ ߡߊ߬ ߸ ߓߟߏ߫ ߝߊ߫ ߞߋߟߋ߲߫ ߦߋ߫ ߝߊ߬ߙߊ߲߬ߛߌ߬ ߕߊ ߞߊ߲߬، ߓߊߏ߬ ߸ ߞߣߍ ߺ ߍ ߺ ߞߣߍ߫ ߘߌ߫ ߓߐ߫ ߸ ߊ߬ߟߎ߬ ߦߋ߫ ߊߝߙߌߞߌ߬ ߟߊߓߋ߬ ߦߙߐ߬ ߢߌߣߌ߲ ߠߋ߬ ߟߊ߫ ߞߐ߬ߟߐ߲ ߞߣߐ߫، ߏ߬ ߟߋ ߞߏߛߐ߲߬ ߸ ߊ߬ߟߎ߬ ߓߊ߯ ߛߏ߬ߓߌ߫ ߊ߬ߟߎ߫ ߞߊ߬ߟߊ ߡߍ߲ ߡߊ߬ ߡߐ߰ߝߌ߲߬ߠߊ߫ ߸ ߊ߬ߟߎ߬ ߘߌ߫ ߘߎߢߊ߫ ߛߐ߲߬ ߞߏߙߏ߲ ߓߍ߯ ߘߏ߫ ߟߴߏ߬ ߟߊ߫ ߸ ߞߵߏ߬ ߞߍ߫ ߊ߬ߟߎ߬ ߘߊߘߐߡߌߘߊ߫ ߞߎ߲ߧߊ߫ ߘߌ߫ ߸ ߖߐ߰ߛߴߊߟߎ߬ ߘߴߏ߬ ߞߍ ߊ߬ߟߎ߫ ߛߊ߬ߥߏ ߘߌ߫، ߏ߬ ߞߊ߲ߡߊ߬ ߸ ߊ߬ߟߎ߫ ߞߊ߬ ߞߕߌߖߌ߲ ߘߏ߫ ߛߌ߰ ߛߋ߲߬ߠߊ߫ ߸ ߞߏ߫ ߡߊ߲߬ߕߏ߲߬ߕߍ߬ ߞߕߌߖߌ߲ ߛߊ߲ߘߐߕߊ = ߞߎߙ ߔߋߣߊߟ ߍ߲ߕߍߙߑߣߊߛߌߦߐ߲ߣߊߟ، ߏ߬ ߟߊߘߊ߲ߣߴߊ߬ߟߎ߬ ߓߟߏ߫ ߝߘߊ߬ߝߌ߲߬ ߡߊ߲ߛߊ ߟߎ߫ ߟߋ߬ ߞߎ߲߬ߠߊߖߌ߰ ߞߊ߲ ߡߊ߬، ߓߊߏ߬ ߸ ߞߊ߬ߦߌ߯ ߒߠߋ ߓߌ߬ߟߊ߬ ߘߊ߫ ߸ ߒ ߡߊ߫ ߤߊߟߌ߬ ߜߟߏ߬ߜߍ ߛߊ߲߬ ߁߈ ߟߐ߬ߣߍ߲ ߦߋ߫ ߞߕߌ߫ ߦߙߌ ߟߊ߫ ߦߋ߲߬ ߡߎߣߎ߲߬، ߝߘߊ߬ߝߌ߲߬ߠߊ߫ ߡߊ߲߬ߕߎ߬ߙߋ ߛߌߦߊߡߊ߲߫ ߘߏ߲߬ ߓߘߊ߫ ߟߊߡߊ߬ߟߏ߬ߦߊ߫ ߦߋ߲߬ ߞߟߋ߫߹ ߞߏ߬ߣߌ߲߬ ߸ ߤߊ߲߯ ߕߋ߲߬ ߸ ߊ߲ ߠߊ߫ ߞߊ߲ߕߌ߮ ߟߎ߬ ߣߴߊ߲ ߠߊ߫ ߡߐ߰ߘߐ߬ߜߍ ߟߎ߬ ߡߴߊ߬ ߝߊ߰ߡߎ߲߬ ߝߟߐ߫ ߸ ߞߏ߫ ߡ.ߞ.ߛ ߟߊߘߊ߲ߣߍ߲߫ ߝߘߊ߬ߝߌ߲ ߠߎ߬ ߞߟߍ߬ ߞߊ߲ ߠߋ߬ ߡߊ߬.
ߒ߬ߓߊ߬ ߸ ߡߍ߲ ߓߍ߲߬ߣߍ߲߫ ߝߊ߬ߙߊ߲߬ߛߌ߫ ߡߊ߬ ߛߍߣߍ߲߬ ߸ ߊߟߊ߫ ߞߊ߲߫ ߢߌ߲߬ ߝߊ߬ߙߊ߲߬ߛߌ߬ ߞߊ߫ ߖߎ߯، ߓߊߏ߬ ߸ ߊ߬ߟߎ ߟߋ߬ ߥߎߛߋߓߟߎߦߊ ߟߊ߫ ߘߎߢߊ߫ ߞߣߐ߫ ߓߌ߬، ߏ߬ ߟߋ ߞߏߛߐ߲߬ ߸ ߊ߬ߟߎ߬ ߟߊ߫ ߓߍ߲߬ߓߍ߲߬ߓߍ߲ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߝߘߊ߬ߝߌ߲߬ߠߊ߬ ߟߊߝߐ߫ ߞߊ߲ߕߌ߯ ߂߂ ߢߐ߲߰ ߠߊ߫ ߛߊ߲߬ ߄߈ ߞߘߐ߫، ߒ߬ߓߊ߬ ߸ ߊ߲ ߧߴߊ߬ ߝߍ߬ ߞߵߏ߬ ߟߎ߫ ߟߋ߬ ߕߐ߮ ߟߎ߬ ߛߙߍߘߍ ߡߊߘߊ߲߫ ߦߊ߲߬، ߏ߬ ߟߎ߬ ߝߟߍ߫ ߣߌ߲߬:
߁ - ߛߌߟߑߝ߭ߊߣߌߛ ߏߟߍ߲ߔߌߦߏ߫ ߸ ߏ߬ ߕߘߍ߬ ߕߜ߭ߏ߫ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߆߃ ߟߋ߬ ߟߊ߫.
߂ - ߖߐߣ ߊߖߌߦߙߌ߫ ߸ ߏ߬ ߕߘߍ߬ ߖߋ߬ߟߌ߬ߓߊ߬ߘߎ߯ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߆߆ ߟߋ߬ ߟߊ߫.
߃ - ߊߓߑߘߌ߫ ߙߊߛ߭ߌߘ ߊ߬ߟߌ ߛߍߙߑߡߊߞߋ߫ ߸ ߏ߬ ߕߘߍ߬ ߛߏߡߊߟߌ߫ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߆߉ ߟߋ߬ ߟߊ߫.
߄ - ߊߓߋ ߊߡߊߣߌ߫ ߸ ߏ߬ ߕߘߍ߬ ߖ߭ߊ߲ߖ߭ߌߓߊߙ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫  ߁߉߇߂ ߟߋ߬ ߟߊ߫.
߅ - ߙߌߛ߭ߊߙ ߸ ߏ߬ ߕߘߍ߬ ߡߘߊߜ߭ߊߛߑߞߊߙ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߇߅ ߟߊ߫.
߆ - ߝߊ߬ߙߊ߲߬ߛߎߥߊ ߒߜ߭ߊߙߑߕߊ߫ ߸ ߏ߬ ߕߘߍ߬ ߗߊߘ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߇߅ ߟߋ߬ ߟߊ߫.
߇ - ߡߏߙߑߕߟߊ ߙߡߊ߫ ߸ ߏ߬ ߕߘߍ߬ ߖߋ߬ߟߌ߬ߓߊ߬ߘߎ߯ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߇߆ ߟߋ߬ ߟߊ߫.
߈ - ߡߊߙߌߦߊ߲߫ ߜ߭ߎ߬ߺߊ߬ߓߌ߫ ߸ ߏ߬ ߕߘߍ߬ ߞߏ߲ߜ߭ߏ߫ ߓߙߊߛߊߘߎ߯ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߇߇ ߟߋ߬ ߟߊ߫.
߉ - ߕߝߋߙߌ ߓߊ߲ߕߋ߫ ߸ ߏ߬ ߕߘߍ߬ ߋߗߏߔߌ߫ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߇߇ ߟߋ߬ ߟߊ߫.
߁߀ - ߊߣߎߥߊ ߍ߬ߟ ߛߘߊߕ ߸ ߏ߬ ߕߘߍ߬ ߡߌߛߌ߬ߙߊ߲߬ ߞߊ߲ߕߌ߮ ߟߋ߬ ߘߌ߫ ߸ ߏ߬ ߝߊ߰ ߘߊ߫ ߁߉߈߁ ߠߋ߬ ߟߊ߫.
߁߁ - ߥߟߌߦߊߡߛ ߙߌߛ߭ߊߙ ߕߐߟߑߓߍߙ ߸ ߏ߬ ߕߘߍ߬ ߟߌߓߋߙߌߦߊ߫ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߁߉߈߁ ߠߋ߬ ߟߊ߫.
߁߂ - ߕߏߡߊ߫ ߛߊ߲ߞߙߊ߫ ߸ ߏ߬ ߕߘߍ߬ ߓߙߎߞߌߣߊ߫ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߁߉߈߇ ߟߋ߬ ߟߊ߫.
߁߃ - ߊߤߑߡߍߘ ߊߓߑߘߟߊ߫ ߸ ߏ߬ ߕߘߍ߬ ߞߏߡߐߙ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߁߉߈߉ ߟߋ߬ ߟߊ߫.
߁߄ - ߛߊߡߎ߳ߍߟ ߘߏ߫ ߸ ߏ߬ ߕߘߍ߬ ߟߌߓߋߙߌߦߊ߫ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߁߉߈߉ ߟߋ߬ ߟߊ߫.
߁߅ - ߡߏ߬ߤߊߡߍߘ ߓߎߖߊߝ ߘߌ߫ ߸ ߏ߬ ߕߘߍ߬ ߊߟߑߗ߭ߋߙߌ߫ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߁߉߉߂ ߟߋ߬ ߟߊ߫.
߁߆ - ߡߍߟߑߛߌߦߐߙ ߸ ߏ߬ ߕߘߍ߬ ߓߎߙߎ߲ߘߌ߫ ߞߊ߲ߕߌ߮ ߟߋ߫ ߘߌ߫ ߸ ߊ߬ ߝߊ߰ ߘߊ߫ ߁߉߉߃ ߟߋ߬ ߟߊ߫.
߁߇ - ߛߌߔߙߌߦߍ߲ ߒߕߊߙߌߦߊߡߌߙߊ߫ ߸ ߏ߬ ߝߣߊ߫ ߕߘߍ߬ ߓߎߙߎ߲ߘߌ߫ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߁߉߉߄ ߠߋ߬ ߟߊ߫.
߁߈ - ߖ߭ߌߝ߭ߋߣߊߟ ߊߓߌߦߡߊߣߊ߫ ߸ ߏ߬ ߕߘߍ߬ ߙߎߥߊ߲ߘߊ߫ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߁߉߉߄ ߠߋ߬ ߟߊ߫.
߁߉ - ߌߓߙߊߤߌߡ ߓߊߙߌ߫ ߸ ߏ߬ ߕߘߍ߬ ߖߋ߬ߟߌ߬ߓߊ߬ߟߊ߫ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߁߉߉߉ ߟߋ߬ ߟߊ߫.
߂߀ - ߟߏߙߊ߲ ߘߋߖ߭ߌߙߋ ߞߊߓߌߟߊ߫ ߸ ߏ߬ ߕߘߍ߬ ߞߏ߲߬ߜ߭ߏ߬ ߞߊ߲ߓߍ߲ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߂߀߀߁ ߠߋ߬ ߟߊ߫.
߂߁ - ߖ߭ߏߙߊ߫ ߓߍߙߑߡߊߘߏ߫ ߝ߭ߌߦߋߙߊ߫ ߸ ߏ߬ ߕߘߍ߬ ߓߌ߬ߛߊߏ߫ ߖߌ߬ߣߍ߬ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߂߀߀߉ ߟߋ߬ ߟߊ߫.
߂߂ - ߡߎ߬ߺߊ߬ߺߡߊߙ ߞߘߊߝߌ߫ ߸ ߏ߬ ߕߘߍ߫ ߟߓߌ߫ ߞߊ߲ߕߌ߮ ߟߋ߬ ߘߌ߫ ߸ ߊ߬ ߝߊ߰ ߘߊ߫ ߂߀߁߁ ߠߋ߬ ߟߊ߫.

ߊ߫߹ ߓߊߘߋ߲ ߠߎ߬ ߸ ߊߝߙߌߞߌ߬ ߝߐߣߴߊ߬ ߟߊ߫ ߘߋ߲߫ ߓߘߍ ߢߌ߲߬ ߠߎ߬ ߓߍ߯ ߟߊ߫ ߣߊ߲߬ߔߍ߫ ߘߎߢߊ߫ ߢߊ߯ߡߌ߲ߠߊ ߟߎ߫ ߟߋ߬ ߛߊߓߎ߫ ߟߊ߫، ߒ ߓߘߊ߫ ߒ ߞߊ߬ߟߌ߫ ߡߊ߰ߙߌ ߟߊ߫ ߸ ߒߠߋ ߣߌ ߦߋ߫ ߡߍ߲ ߓߟߏ߫؛ ߣߌ߫ ߝߘߊ߬ߝߌ߲ ߠߎ߬ ߡߊ߫ ߞߎߣߎ߲߫ ߞߊ߬ ߓߐ߫ ߛߎ߬ߣߐ߮ ߘߐ߫ ߸ ߊ߲ ߘߴߊ߲ ߓߋ߲ߓߊ ߟߎ߬ ߟߊ߫ ߓߊ߯ߙߊ߫ ߞߍߣߍ߲ ߠߎ߬ ߞߍ߫ ߖߌ ߘߐ߫، ߞߏ߬ߣߌ߲߬ ߸ ߒߠߋ ߘߌ߫ ߡߍ߲ ߦߌ߬ߘߊ߬ ߸ ߣߌ߫ ߊߝߙߌߞߌ߬ ߝߎߣߎ߲ߞߋ ߟߎ߫ ߞߵߊ߬ߟߎ߬ ߓߟߏߡߟߊ߫ ߛߌߛߍ߲߬ ߞߊ߲ߕߌ߮ ߟߎ߫ ߡߊ߬ ߸ ߊ߬ߟߎ߬ ߘߴߊ߲ ߠߊ߫ ߞߣߍ ߟߊ߫ ߖߌ ߡߊ߬ ߸ ߞߵߊ߲ ߓߌ߬ߟߊ߫ ߝߐ߬ߝߐ ߣߌ߫ ߓߐߘߐ߲ ߣߌ߫ ߔߕߐ߬ߔߕߐ ߕߍߡߊ߬، ߝߏ߫ ߊ߲ ߧߴߊ߬ ߓߌ߬ߟߴߊ߲ ߦߟߌ߫ ߟߊ߫ ߟߋ߬ ߸ ߞߏ߫ ߊ߲ ߡߊ߫ ߣߊ߬ ߡߐ߰ ߡߊߟߐ߬ ߦߌߟߊ߫ ߸ ߊ߲ ߝߣߊ߫ ߦߋ߫ ߡߐ߱ ߣߌ߫ ߣߌߡߊ ߟߋ߬ ߘߌ߫ ߖߐ߫ ߦߏ߫ ߕߐ߭ ߟߎ߬ ߸ ߏ߬ ߘߐ߫ ߊ߲ ߝߣߊ߫ ߣߌ߫ ߘߏ߫ ߞߍ ߟߋ߬ ߞߊ߫ ߞߊ߲߫ ߢߊ ߓߍ߯ ߡߊ߬؛ ߒ ߘߌ߫ ߘߊ߲߬ ߦߊ߲߬ ߕߋ߲߬ ߸ ߞߎߡߊ ߕߍ߫ ߓߊ߲߫ ߠߊ߫ ߸ ߤߊߞߟߌ ߟߴߊ߬ ߕߐ߭ ߟߊߛߋ߫ ߟߊ߫.

ߒߝߊ߯ߟߌ߬ ߡߊ߲߬ߘߋ߲߬ߞߊ ߖߏ߬ߡߊ߲߬ߘߋ߲߫ ߞߡߊ߬ߙߊ߬

ߒߞߏ ߞߟߊ߬ߘߏ߲ߛߏ ߣߴߊ߬ ߡߙߌߟߓߊ

ߗߍ߬ߡߐ߮: ߖߊ߰ߞߊ߬ ߛߘߌߞߌ߫ ߖߊ߰ߣߍ߬ ߸ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߫ ߡߐ߰ߣߴߏ߬ ߡߍ߲ ߓߟߏ߫ ߸ ߏ߬ ߞߊ߲߫ ߦߋߟߋ߲ ߝߐ߰ߓߍ ߢߍ߫ ߊ߬ ߘߋ߲ߞߍ߫ ߞߊ߲߬ ߕߊ߲߬ ߠߋ߬:

ߐ߲߬ߤߐ߲߫ ߒ ߞߘߐ߬ ߖߊ߰ߞߊ߬ ߛߘߌߞߌ߫ ߸ ߌߟߋ ߡߍ߲ ߘߋ߲ ߦߋ߫ ߓߊ߬ߓߊ߬ ߘߌ߫ ߊ߬ ߣߴߊ߬ ߟߊߓߐߓߊ߮ ߊ߬ ߘߐ߫ ߸ ߌ ߛߋ߫ ߘߴߊ߬ ߟߊߡߐ߬ ߟߊ߫ ߘߌ߬ ߸ ߞߊ߬ ߒߞߏ ߞߏ ߓߌ߬ߟߴߊ߬ ߘߏ߬ߣߌ߲ ߘߐ߫ ߝߏ߫ ߊ߲ ߓߍ߯ ߟߊߘߍ߬ߣߍ߲ ߓߘߊ߫ ߞߎ߲߬ߠߊ߬ߦߋߙߋ߲߫ ߊ߬ ߝߍ߬ ߣߌ߲߬ ߓߌ߬ ߊ߬ ߛߎߥߊ߲ߘߌ ߘߐ߫ ߞߵߊ߬ ߖߊ߲ߛߊ߫ [ ߛߌ߲߬ߝߏ߲߬ ߞߙߍߞߙߍߣߍ߲ ] ߡߐ߬ߟߐ߲ ߠߊ߫ ߒ.ߢ.ߦ.ߘ. ߓߟߏ߫؟.. ߒ ߘߐ߯ߣߍ߲߫ ߛߣߊ߬ߛߌ߫ ߌ ߞߵߊ߬ ߟߐ߲߫ ߓߊ߬ߓߊ߫ ߛߐ߬ߘߐ߲߬ ߘߊ߫ ߁߆߉߁ ߠߋ߬ ߒߞߏ ߛߓߍߛߎ߲ ߛߌ߲ߘߌ ߛߊ߲ߖߌ߫ ߂߁، ߞߵߊ߬ ߕߐ߯ߟߴߊ߲ ߓߍߣߐ߯ ߬ߙߊ߬ߝߊ߲ ߠߊ߫ ߸ ߓߊߏ߬ ߊ߲ ߓߍ߯ ߊ߬ ߝߐ߫ ߟߴߏ߬ ߡߊ߬ ߞߏ߫ ߓߊ߬ߓߊ߫ ߸ ߏ߬ ߞߍ߫ ߘߴߊ߬ ߘߎ߰ߙߋ߲߬ߕߐ߮ ߘߌ߫ ߏ߬ ߟߋ ߘߐ߫، ߊ߬ ߒߞߊ߬ߙߊ߲ߡߐ߰ ߕߐ߮ ߛߊ߫ ߸ ߊ߬ ߞߊ߬ߙߊ߲ߡߐ߯ ߡߊ߬ߡߊ߬ߘߌ߬ ߖߊߥߙߊ߫ ߟߋ߬ ߞߵߏ߬ ߟߊߦߟߍ߬ ߊ߬ ߞߎ߲߬ ߊ߬ ߕߘߍ߬ ߏ߬ ߡߍ߲ ߞߊ߬ߙߊ߲߬ ߠߊ߫ ߒߞߏ ߟߊ߫ ߡߊߘߙߊߛߊ ߟߊ߫ ߸ ߒߞߏ ߞߊ߬ߙߊ߲߬ ߠߴߏ߬ ߟߋ ߟߊ߫ ߡߊߘߙߊߛߊ ߟߊ߫ ߘߌߝ߭ߏ߫ ߞߘߏߥߊߙߌ߫ ߛߌߛߍ߲߬، ߘߊ߬ߡߊ߲ߛߊ߫ ߊ߬ ߘߍ߬ߢߐ߲߮ ߓߍ߯ ߞߊ߬ ߞߊ߲ߕߐ߮ ߏ ߕߊ߬ ߏ ߝߍ߬ ߢߍߣߍ߲ߎ߲߫،..

 ߞߊ߬ߦߌ߯ ߒߞߏ ߛߓߍߛߎ߲ ߛߌ߲ߘߌ߫ ߛߊ߲ߞߎߘߊ  ߒߠߋ ߖߍ߬ߘߍ ߘߏ߲߬ ߘߴߊ߬ ߞߊߙߊ߲ ߘߐ߫ ߝߏߘߋ߫ ߛߟߏ߬ߡߊ߯ߣߊ߫ߝߍ߬ ߸ ߒ ߘߍ߲߬ߞߣߍ߬ߦߊ ߞߏߛߐ߲߬ ߒߞߏ ߞߏ ߡߊ߬ ߞߵߊ߬ ߦߋ߫ ߣߊߡߎ߲ ߣߌ߫ ߟߐ߲ߞߏ ߣߌ߫ ߡߐ߰ߦߊ ߟߊߥߙߎߞߌ߫ ߞߏ ߘߌ߫ ߸ ߒ ߡߊ߫ ߘߊ߲߬ ߘߏ߲߬ ߡߵߊ߬ ߘߐ߫ ߒ ߞߋߟߋ߲߫ ߠߊ߫ ߘߋ߬ ߸ ߒ ߞߊ߬ ߒ ߣߌ߫ ߒ ߘߋ߲ߢߐ߲߮ ߠߎ߬ ߣߴߊ߬ߟߎ߬ ߘߋ߲ ߞߎ߲߬ߝߟߐ ߟߎ߬ ߓߍ߯ ߟߋ߬ ߟߊߘߏ߲߬ ߊ߬ ߘߐ߫، ߏ߬ ߟߎ߬ ߡߍ߲ ߠߎ߫ ߣߊ߬ߕߐ߫ ߘߋ߲ߣߍ߲ ߕߐ߭ ߟߎ߫ ߞߊ߬ߙߊ߲߬ ߠߊ߫ ߒߞߏ ߟߊ߫، ߒ ߞߘߐ߬ ߞߊ߲ߖߊ߬ߡߊ߯ߘߌ߫ ߘߋ߲ߞߍ߫ ߝߟߐ  ߞߊ߬ߙߌ߬ߝߟߊ߫ ߖߊ߰ߣߍ߫ ߣߴߊ߬ߘߐ߯ ߜߛߏߜߛߏ ߟߎ߫ ߞߊ߬ߣߌ߲߫، ߏ߬ ߕߎ߬ߡߊ  ߟߋ߬  ߝߣߊ߫  ߓߍ߲߬ ߘߊ߫ ߝߏߘߋ߫ ߛߟߏ߬ߡߊ߯ߣߊ߫ ߞߍ ߡߊ߬ ߞߊ߬ ߣߊ߬ ߓߊߕߍ߫ ߣߝߊ߬ߖߌ߫ ߞߊ߬ߙߊ߲ߡߐ߰ߓߊ ߟߎ߬ ߣߴߊ߬ߟߎ߬ ߟߊ߫ ߕߊߟߓߌߘߋ߲ ߠߎ߫ ߞߊ߬ߙߊ߲߬ ߒߞߏ ߟߊ߫ ߸ ߝߏߘߋ߫ ߥߊ߬ߘߌ߬ߦߊ߬ߡߊ߯ߘߌ߫ ߣߴߊ߬ ߟߊ߫ ߞߊ߬ߙߊ߲ߘߋ߲߬ ߞߎ߲ߓߊ ߟߎ߫ ߕߘߍ߬ ߘߴߏ߬ ߘߐ߫ ߒ ߘߐ߯ߡߛߏ߫ ߛߊߘߊ߲ ߖߊ߰ߣߍ߬ ߗߍ߬، ߒ ߞߘߐ߬ ߘߋ߲ߞߍ߫ ߝߊߕߎߡߊ߫ ߞߊߙߌߝߟߊ߫ ߖߊ߰ߣߍ߬ ߟߎ߫ ߞߊ߬ߣߌ߲߫، ߓߊߓߊ߫ ߖߊ߰ߣߍ߫ ߞߊ߬ߙߊ߲ߡߐ߰ ߝߟߐ ߒߞߏ ߟߊ߫،..

  ߓߊ߬ߓߊ߬ ߛߊ߲ߖߌ߫ ߕߊ߲߫ ߣߌ߫ ߞߋߟߋ߲ ߛߋ ߒ ߣߊ߬ ߘߴߊ߬ ߘߏ߲߬ ߡߊߘߙߊߛߊ ߟߊ߫ ߞߊ߲ߞߊ߲߫ ߞߊ߬ߙߊ߲ߡߐ߯ ߡߊ߬ߡߘߎ ߞߐ߲ߘߍ߫ ߝߊ߰ߡߎ߲߬ߦߊ߬ߣߍ߲߬ߓߊ ߓߘߊ، ߊ߬ ߞߵߊ߬ ߡߊ߬ߡߊ߬ߘߌ߬ ߕߐ߮ ߛߐ߬ߘߐ߲߫ ߦߋ߲߬ ߠߋ߬ ߓߊߏ߬  ߊ߲ ߠߊ߫ ߖߊ߬ߕߋ߬ ߘߐ߫ ߬ߙߊ߬ߝߊ߲ ߞߋߟߊ ߡߊ߬ߡߊߘߌ߫ ߕߐ߮ ߘߏ߫ ߟߋ߬ ߘߌ߫،..

ߊ߬ ߞߊ߬ ߞߊ߬ߙߊ߲ ߘߊߓߊ߲߫ ߞߐ߲ߘߍߞߍ ߓߘߊ ߦߋ߲߬ ߠߋ߬ ߤߊ߲߯ ߞߊ߬ߙߊ߲ߓߏ߲ ߟߊߓߊ߲ ߠߊ߫، ߞߊ߬ ߓߊ߲߫ ߞߊ߬ ߕߊ߬ ߞߎ߲߬ߠߊ߬ߛߌ߮ ߓߟߏ߫ ߞߊ߬ߙߊ߲ߘߋ߲߬ ߞߊ߬ߙߊ߲߬ ߞߊ߲ߡߊ߬ ߞߊ߲ߞߊ߲߫ ߊߙߊߓߎ ߘߐ߫ ߸ ߥߟߊ߬ߟߊ߬ߓߐ ߓߟߋ߬ߓߟߋ ߘߏ߫ ߞߐ߫ ߊ߬ ߞߍ߫ ߘߴߏ߬ ߡߍ߲ ߡߐ߰ ߝߟߐ ߘߌ߫ ߞߊ߲ߞߊ߲߫ ߡߊ߬ߙߊ ߟߊ߫ ߡߐ߰  ߞߊ߬ߙߊ߲ߣߍ߲߬ ߄߇ ߕߍߡߊ߬، ߣߌ߲߬ ߞߍߣߍ߲߫ ߠߋ߬ ߞߊ߬ ߞߐ߲߬ ߊ߬ ߟߊ߫ ߡߛߌߙߊ߲߫ ߕߊ߯ߟߌ ߢߍ߫. ߞߊ߬ߦߌ߯ ߊ߬ ߛߊ߲ߖߌ߫ ߁߁ ߒ ߢߊ ߕߎ߲߬ ߓߊ߯ ߟߊ߫ ߟߍߙߊ ߡߍ߲ ߞߊ߲߬ ߒ ߕߘߍ߬ ߏ߬ ߛߊ߲ߓߊ߬ ߟߴߊ߬ ߡߊ߬ ߟߋ߬ ߊ߰ ߊ߬ ߓߊߦߟߍ߬ߡߊ߲߬ ߒ ߧߋ߫، ߏ߬ ߕߊ߬ߡߌ߲߬ ߘߊ߫ ߒߞߏ ߣߐ߰ߦߊ߬ ߟߴߊ߬ߢߍ߫ ߸ ߓߊ ߒ ߞߵߊ߬ ߟߐ߲߫ ߞߏ߫ ߞߊ߬ߙߊ߲ߡߐ߰ ߞߊ߲߫ ߠߋ߬ ߞߏ߫ ߒߞߏ ߞߊߙߊ߲ߘߋ߲߫ ߛߓߍߟߌߓߊߟߌ ߟߎ߫ ߟߋ߬ ߒߞߏ ߟߊߣߐ߮ ߞߊ߲߬߸ ߓߊ ߤߊߟߌ߬ ߊ߬ߟߎ߬ ߕߍ߫ ߬ߟߋ ߘߍ߬ߡߍ߲߬ ߠߊ߫ ߓߊ߯ߙߊ ߟߊ߫،..ߊ߬ߕߐ߭ ߝߙߍߕߍ߫ ߞߎߘߊ߫

ߜ߭ߏߕߑߟߌߦߍߓ ߘߍߡߑߟߍߙ

ߡߐ߰ ߝߟߐߝߟߐ ߡߍ߲ ߞߊ߬ ߔߏߔߏ ߟߊߘߊ߲߫߸ ߊ߬ ߕߐ߯ ߟߋ߬ ߞߏ߫ ߜ߭ߏ߫ߕߑߟߌߦߍߓ ߘߍߡߑߟߍߙ߸ ߊߟߌߡߊ߲ߞߊ߫ ߗߋ߬ߥߎ߬ߣߍ߲߬ߗߋߥߎ ߟߋ߬ ߦߴߊ߬ ߘߌ߫، ߊ߬ߟߋ ߟߋ߬ ߝߟߐ߫ ߞߊ߬ ߔߏߔߏ ߟߊߘߊ߲߫ ߦߙߌ ߘߐ߫ ߁߈߈߅ ߟߊ߫ ߞߊ߬ ߣߌߘߐ߫ ߖߌߥߎߡߊ ߓߌ߬ߟߴߊ߬ ߟߊ߫، ߊ߬ ߟߊ߫ ߔߏߔߏ ߏ߬ ߟߋ ߞߍ߫ ߘߊ߫ ߞߊ߬ߞߎߘߊ ߔߏߔߏ߫ ߝߟߐ ߘߌ߫، ߔߏߔߏ ߏ߬ ߟߋ ߖߍ߬ߘߍ ߞߊ߬ ߞߊߙߑߟ ߓߍߣ ߡߊߘߍ߬ߡߍ߲߫ ߊ߬ ߟߊ߫ ߞߐ߲߬ߛߏ ߘߐߓߍ߲߬ ߠߊ߫، ߜ߭ߏߕߑߟߌߦߍߓ ߘߍߡߑߟߍߙ ߣߌ߲߬ ߡߏߦߌ߫ ߘߊ߫ ߕߙߊߓߊ ߕߟߋ߬ ߁߇ ߟߋ߬ ߡߊ߬ ߁߈߃߃ ߟߊ߫.

ߔߏߔߏ߫ ߝߟߐ ߡߍ߲ ߛߌ߲ߘߌ߫ ߘߊ߫

ߊ߬ ߟߊ߫ ߛߌ߲ߘߟߌ ߣߌ߲߬ ߦߋ߫ ߡߎ߲߬ ߦߌ߬ߘߊ߬ ߟߊ߫؟

ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߞߏ ߟߎ߬ ߘߍ߲ߣߍ߲߫ ߢߐ߲߮ ߠߊ߫ ߟߋ߬ ߸ ߓߊߏ߬ ߊ߬ߟߋ ߟߊ߫ ߣߌߘߐ ߟߋ߬ ߞߍ߫ ߘߊ߫ ߛߊߓߎ߫ ߘߌ߫ ߸ ߞߊ߬ ߞߊߙߑߟ ߓߍߣ ߘߍ߬ߡߍ߲߬ ߊ߬ ߟߊ߫ ߞߐ߲߬ߛߏ ߘߐߓߍ߲߬ ߠߊ߫، ߏ߬ ߓߘߴߊ߬ ߦߌ߬ߘߵߊ߲ ߠߊ߫ ߞߏ߫ ߞߏ ߘߏ߫ ߟߋ߬ ߘߏ߫ ߘߝߊ߫ ߟߊ߫، ߦߏ߫ ߡߍ߲ ߠߎ߬ ߦߴߊ߬ ߖߌ߰ ߟߊ߫ ߞߏ ߝߘߊ߬ߝߌ߲ ߕߴߛߋ߫ ߥߙߎߞߌ ߟߊ߫ ߕߎ߬ߓߊ߬ߓߎ ߞߐ߫߸ ߕߎ߬ߓߊ߬ߓߎ ߝߣߊ߫ ߕߴߛߋ߫ ߥߙߎߞߌ߫ ߟߊ߫ ߝߘߊ߬ߝߌ߲ ߞߐ߫، ߕߎ߬ߡߊ ߓߍ߯߸ ߝߏ߫ ߘߏ߫ ߟߋ߬ ߞߍ߫ ߘߏ߫ ߛߊ߲ߘߐ߫، ߏ߬ ߟߎ߫ ߖߍ߬ߘߍ ߞߊ߫ ߞߊ߲߫ ߞߵߊ߬ ߟߐ߲߫ ߞߏ߫ ߕߎ߬ߓߊ߬ߓߎ ߟߊ߫ ߥߙߎߞߌ ߡߊ߫ ߝߐ߫ ߝߘߊ߬ߝߌ߲ ߞߏ߫ ߢߊ ߡߍ߲߸ ߝߘߊ߬ߝߌ߲ ߝߣߊ߫ ߕߊ ߕߴߛߋ߫ ߝߐ߫ ߟߊ߫ ߕߎ߬ߓߊ߬ߓߎ ߞߐ߫ ߕߋ߲߬، ߦߏ߫ ߣߌ߫ ߡߐ߰ ߞߊ߬ ߓߙߎߘߍ߮ ߡߊߝߟߍ߫߸ ߌ ߘߴߊ߬ ߦߋ߫ ߏ߬ ߟߊߘߊ߲ߣߍ߲߫ ߡߊ߬ߟߏ ߣߌ߫ ߕߊ ߣߌ߫ ߖߌ ߣߴߏ߬ ߢߐ߲߰ߘߐ ߟߎ߫ ߟߋ߬ ߟߊ߫، ߝߋ߲߫ ߛߌߦߊߡߊ߲߫ ߠߋ߬ ߟߊߘߍ߬ߣߍ߲߫ ߞߊ߬ ߞߍ߫ ߏ߬ ߟߎ߬ ߘߌ߫، ߏ߰ ߟߋ߬ ߦߏ߫ ߛߓߍߛߎ߲ ߛߓߍߘߋ߲ ߦߋ߫ ߕߎ߲߰ ߠߊ߫ ߢߐ߲߮ ߠߊ߫ ߢߊ ߡߍ߲߸ ߞߊ߬ ߜߋ߲߭ ߠߎ߬ ߣߌ߫ ߞߎߡߊߘߋ߲ ߠߎ߬ ߣߌ߫ ߞߎߡߦߊ ߟߎ߬ ߟߊߘߊ߲߫، ߒ߬ߓߊ߬߸ ߊߘߡߊߘߋ߲ ߠߎ߬ ߝߣߊ߫ ߦߋ߫ ߓߌ߬ߟߊ߬ ߟߊ߫ ߢߐ߲߮ ߡߊ߬ ߕߋ߲߬ ߠߋ߬߸ ߞߊ߬ ߞߏߓߊ ߟߎ߬ ߣߌ߫ ߡߐ߰ߦߊ ߟߊߛߓߊ߬ߕߌ߬ ߞߏ ߟߎ߬ ߞߍ߫، ߞߊ߬ߕߎ߲߯߸ ߞߎߡߊߘߏ߲ߛߏ ߟߎ߬ ߞߊ߲߫ ߠߋ߬߸ ߞߏ߫: ߞߣߐ߬ ߞߙߎ ߟߊߘߍ߬ߣߍ߲ ߦߋ߫ ߡߊ߲߬ߞߊ߲ ߓߐ߫ ߟߊ߫ ߢߊ ߡߍ߲ ߸ ߟߐ߲ߞߏߕߌ߮ ߟߎ߬ ߟߊߘߍ߬ߣߍ߲ ߦߋ߫ ߛߎߓߊ߯ߦߊ ߟߊߓߐ߫ ߟߊ߫ ߕߋ߲߬ ߠߋ߬، ߐ߲߹ ߌ ߡߴߏ߬ ߞߎߡߊ ߕߐ߭ ߕߊ߯ߕߐ ߦߴߏ߬ ߘߌ߫؟

ߒߝߊ߯ߟߌ߬ ߡߊ߲߬ߘߋ߲߬ߞߊ ߖߏ߬ߡߊ߲߬ߘߋ߲߫ ߞߡߊ߬ߙߊ߬ ߓߟߏ߫.